Dunyo bormoqda o'tib qabr turmasdir kutib, Besh kunlik tor dunyoda qolmang tag'in qon yutib. Voh o'lim farishtasi kelsa yoqadan tutib, Hotirjam bo'la oling topa oling halovat. OLLOHga sa'no ayting RASULiga salovat. Guldek janonlar qani yer bilan bitta tani, Jannat ediku axir insoniyat vatani. Neki topsa molidan qolmush bugun kafani, Borsa agar qabriga borar faqat tilovat. OLLOHga sa'no ayting RASULiga salovat. Qasrlar bino topdi bo'lish uchun xoru-xast, Bir cho'pon ham bilardi ziynat xaqqiy orzumas. Dunyo asli MUSAMning (tufugiga) arzimas, Ohiratni bezashga qilaveringiz g'ayrat. OLLOHga sa'no ayting RASULiga salovat. Dunyo bizga tinmasdan suykalar kular ekan, Biz unga yaqinlashsak uzoqroq bo'lar ekan. Talhadan qolgan dunyo bizdan ham qolar ekan, Shu aniq xaqiqatni anglasangiz be toqat. OLLOHga sa'no ayting RASULiga salovat. Do'stlar rosti ko'rmak ne mag'zi yolg'on dunyo bu, Ko'rayapmiz ko'pni ne ko'yga solgan dunyo bu. UMARning etagidan tushib qolgan dunyo bu, Sizga ko'p yaqinlashsa itaring be xijolat. OLLOHga sa'no ayting RASULiga salovat. Ertan ahvoli xarob kim? bugun ko'krak kerur, OLLOHdan olgan qarzin bir kun qaytarib berur. She'riyat bo'stonida so'ngi so'zim shu erur, Besh kunlik dunyo ichra istasangiz salovat. OLLOHga sa'no ayting RASULiga salovat...
