Ey Qo'qon shamoli Farg'onaga kel, Uchirib olib ket meni bu yerdan Ag'dar to'ntar qilib butun shaharni, Ko'chirib olib ket meni bu yerdan. Ey Qo'qon shamoli Farg'onaga kel, Chinorlar yo'q yo'ling to'smaydi hech kim, Qutqu solib qo'ygin so'ngan dillarga, Senla samolarga keladi uchgim. Ey Qo'qon shamoli Farg'onaga kel, Juda ko'p daraxtlar qurtlashib ketdi. Iltimos o'zing bir saralab qo'ygin, Ustun, poydevorlar mo'rtlashib ketdi. Ey Qo'qon shamoli Farg'onaga kel, Katta kursilarni qimirlatib qo'y. Suv bossa to'pig'i qadar bormasmush, Kaltafaxmlarni g'imirlatib qo'y. Ey Qo'qon shamoli Farg'onaga kel, Chinorlar yo'q yo'ling to'smaydi hech kim.