Rossiya Fanlar Akademiyasi Uzoq Sharq bo‘limi qoshidagi Tinch okeani bioorganik kimyo institutida dengiz yulduzlari, dengiz tipratikanlari va limon o‘tdan ajratilgan moddalarni qo‘shib, o‘ziga xos shokolad yaratildi. Bu haqda 1-mart kuni institut sayti orqali xabar qilindi.
Xabarnomada aytilishicha, bu moddalar “dengiz vitaminlari” deb atalgan. Ularning yig‘indisi qarish jarayonini sekinlashtirib, metabolizmni yaxshilaydi, o‘z navbatida hayot sifati va umr davomiyligini oshiradi.
Dengizdagi tabiiy qo‘shilmalarni 40 yildan buyon o‘rganib kelayotgan institut xodimlari yangi mahsulotga “Dengiz shedevri” deb nom bergan.
