Ziyoda Qobilova 1989-yil 7-yanvar kuni Toshkentda tug'ildi. Bolaligidan Ziyoda Yulduz Usmonovaning qo'shiqlarini kuylab yurardi. Maktabdan so'ng xonanda Xamza nomidagi musiqa kollejini, so'ng O'zbekiston Davlat San'at institutiga o'qishga kiradi. Ziyodaning xit taronasi "Xay Layli" qo'shig'i bo'lgan. So'ng "Sevmaganman", "Tinch qo'y" qo'shiqlari ham xit bo'lgan. Hozirgi kungacha xonandaning 3 albomi bor. Bular, "Super kelinchak", "Dilda baxt to'la" va "Yuragimsan" nomli albomlardir. Xozirgi kungacha xonandaning 30 ga yaqin kliplari bor va 60 dan ortiq qo'shiqlarni ijro etdi. Ziyoda bir nechta mukofotlarni qo'lga kiritdi. 2007-yil M&TVA AWARDS taqdimotida "Yilning eng yaxshi ayol qo'shiqchisi" nominatsiyasi, 2008-yil "Nihol" mukofoti sovrindori bo'lgan. Xonanda bir qancha estrada xonandalari Oybek Alimov, "Bojalar" guruhi, Sirojiddin Xojiyev, "Fazo" guruhi, "Radius-21", Davron Ergashev, Otabek Mutalxo'jaev, Alisher Uzoqov va Samandar Xamroqulovlar bilan ham duet kuylagan. Bundan tashqari Ziyoda o'zbek milliy kinofilmlarida ham suratga tushgan. Bular: Jasur Shametovning "Uchrashuv", Jahongir Poziljonovning "Boyvachcha", "Nortoy", "Bekorchilar", Javlon Shodmonovning "Enagalar" va "Kichkina xo'jayin”" filmlaridir. Xozir esa yulduzimiz yangi izlanishda.
